Бөлүмдөр
Жума, 18-январь
Ош облусуАраван району 20.07.2017 11:38

Араванда селден жабыркагандар Кең-Сайга көчүрүлөт (фото)

Turmush -  Араван районунун Кичи-Алай айылында селден жабыркагандар Кең-Сай конушуна көчүрүлөт. Бул туралуу өкмөттүн Ош облусундагы өкүлчүлүгүнүн басма сөз кызматынан билдиришти.

Маалыматка караганда, селдин кесепетинен 6 үй жабыркаган. Сел каптоо коркунучу бар дагы 5 үй менен жалпы 11 турак жай көчүрүлөт.

«Селден жабыркагандар менен өкмөттүн облустагы өкүлү жолукту. Жолугушуунун жүрүшүндө жабыркагандарга жер бөлүнгөндүгү жана курулуш материалдары жагынан жардам көрсөтүлүп, шарт түзүлгөндүгү айтылды», - деп айтылат маалыматта.

Буга чейин ӨКМдин басма сөз кызматы маалымдагандай, 9-июлда саат 16:00 чамасында Араван районундагы Кичи-Алай айылынын Торпу аймагын катуу жаандан кийин колоттордон аккан сел суусу каптаган. Анын кесепетинен 4 үйдүн ичине кум-шагыл толуп, авариялык абалга келген.

Мындан тышкары, 1 үйдүн короосун сел калдыктары каптап, 5 унааны сел суусу агызып кеткен. Анда жабыркагандар үчүн 4 чатыр тигилип, азык-түлүк жеткирилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×